इस्लाम धर्मावलम्बीहरुको महान पर्व इद-उल-फितरको अवसरमा सम्पूर्ण इस्लाम धर्मावलम्बीहरु र कतारमा रहनुभएका सबै नेपाली दाजु भाई तथा दिदी बहिनीहरुमा मेरो तथा नेपाली राजदूतावास, दोहाकाे तर्फबाट सुस्वास्थ्य, शान्ति, समृद्धि तथा प्रगतिकाे हार्दिक शुभकामना व्यक्त गर्दछु।
साथै, कोरोना भाईरसको महामारीबाटआफू बच्न तथा अरूलाई बचाउन कतार सरकारबाट समय समयमा जारी हुने सचेतना, जानकारी र निर्देशनहरूकाे अक्षरश पालना गर्नु गराउनुहुन सबैमा पुन: अनुराेध छ ।
यस जटिल घडीमा संक्रमणकाे राेकथामका सबै उपायहरू अपनाउनुहुन, सकारात्मक साेच र धैर्यता राख्नुहुन र एक आपसमा सहयाेग, सद्भाव र हाैसला बढाउनुहुन हार्दिक आह्वान समेत गर्दछु ।
साथै, यस अवसरमा कतार सरकारले घोषणा गरेका १० दिन सरकारी बिदा मध्ये नेपाली राजदूतावास मिति २०७७/२/११ गते आइतबारदेखि २०७७/२/१३ गते मंगलबारसम्म (तदनुसार २०२० मे २४ देखि २६ सम्म) जम्मा ३ दिन बन्द रहने छ ।अत्यावश्यक सेवाका लागि राजदूतावास सधैझै खुल्ला रहने छ ।
——————-
डा.नारद नाथ भारद्वाज
राजदूत तथा
नेपाली राजदूतावास, परिवार
दोहा ।
२३ मे २०२०
२०७७/२/१०
