कोभिड १९ बाट सिर्जित असहज परिस्थितिमा तत्काल नेपाल फर्कनै पर्ने अवस्थाका नेपालीहरुले राजदूतावासको नेपाल फर्कने फारम भरेर तथा विभिन्न माध्यमबाट आफ्नो विवरण उपलब्ध गराउनु भएबमोजिम र नेपाल सरकारले निर्धारण गरेको प्राथमिकता अनुरूप मिति २०७७।६।५ (गते तदअनुसार २१ सेप्टेम्बर २०२०) मा दोहाबाट काठमाण्डौका लागि हिमालय एयरलाइन्सको H95632 को उडानबाट १५५ जना र आज मिति २०७७।६।६ (गते तदअनुसार २२ सेप्टेम्बर २०२०) नेपाल एयरलाइन्सको NA 2392 को उडानबाट १३९ जना समेत गरी जम्मा २९४ जना नेपालीहरू नेपाल फर्कनु भएको व्यहोरा जानकारीको लागि अनुरोध छ ।
दोहाको हमाद अन्तर्राष्ट्रिय विमानस्थलमा उहाँहरूको यात्रा सहजिकरण, समन्वयका तथा बिदाईका लागि राजदूतावासका अधिकारीहरुको उपस्थिति रहेको थियो।
—————-
नेपाली राजदूतावास
दोहा, कतार ।
२०७७।६।६( २२ सेप्टेम्बर २०२०)