कतारका लागि नेपालका राजदूत महामहिम डा. नरेश बिक्रम ढकालज्यूकी ममतामयी आमा नन्दकली ढकालको ८९ बर्षको उमेरमा वीरेन्द्रनगर सुर्खेतस्थित निजी निवासमा २०७९/९/१० गते असामयिक निधन भएको दुःखद खबरबाट हामी मर्माहत भएका छौं। दिवङ्गत आत्माको चिर शान्तिको कामना गर्दै शोकको यस घडीमा महामहिम डा. नरेश बिक्रम ढकाल तथा सम्पूर्ण शोक सन्तप्त परिवारजनमा गहिरो समवेदना प्रकट गर्दछौं । नेपाली राजदूतावास दोहा परिवार २०७९/९/१२

कतारका लागि नवनियुक्त नेपाली राजदूत महामहिम डा. नरेश विक्रम ढकालज्यूले आज बिहान यहाँको परराष्ट्र मन्त्रालयमा कतारका परराष्ट्र राज्यमन्त्री H. E. Mr. Soltan bin Saad Al-Muraikhi समक्ष आफ्नो ओहोदाको प्रमाणपत्रको प्रतिलिपि पेश गर्नुभयो । तत्पश्चात वहांहरूबीच शिष्टाचार भेटवार्ता समेत सम्पन्न भयो । ————- २०७९/०४/०३ १९ जुलाई २०२२ नेपाली राजदूतावास, दोहा ।

इस्लाम धर्मावलम्बीहरुको महान पर्व ईद उल अद्हाको अवसरमा सम्पूर्ण इस्लाम धर्मावलम्बीहरु र कतारमा रहनुभएका सबै नेपाली दाजु भाई तथा दिदी बहिनीहरुमा सुस्वास्थ्य, शान्ति, समृद्धि तथा प्रगतिको लागि हार्दिक शुभकामना व्यक्त गर्दछौं। ——————- डा.नरेश बिक्रम ढकाल राजदूत तथा नेपाली राजदूतावास परिवार दोहा, कतार ८ जुलाई २०२२ २०७९/०३/२४

कतारका लागि नवनियुक्त नेपाली राजदूत महामहिम डा. नरेश विक्रम ढकालज्यूले आजबाट नेपाली राजदूतावास दोहामा आफ्नो कार्यभार ग्रहण गर्नुभएको छ ।आज अपरान्ह राजदूतावासमा आयोजित संक्षिप्त कार्यक्रममा महामहिम राजदूतज्यूलाई कूटनीतिक तथा स्थानीय कर्मचारीहरुले स्वागत गर्नु भएको थियो । सो अवसरमा राजदूतावासको तर्फबाट नियोग उपप्रमुख श्री लक्ष्मण खनालज्यूले राजदूतावासको सेवा प्रवाह र नेपाल -कतार द्विपक्षीय सम्बन्ध बारे जाानकारी गराउनु भएको थियो । महामहिम