नेपाल सरकारबाट जारी “विदेशबाट नेपाल आगमन हुने यात्रुहरुको व्यवस्थापनसम्बन्धी आदेश, २०७८” अनुरुप कतारबाट नेपाल फर्कने नेपाली यात्रुहरुहरुले देहायका मापदण्ड पूरा गरी नेपाल यात्रा गर्न सकिने व्यहोरा सम्बन्धित सबैलाई सूचित गराईन्छ ।:
१. ७२ घण्टाभित्रको कोभिड-१९ नेगेटिभ पि. सी. आर. रिपोर्ट ।
२. कोभिड संकट व्यवस्थापन केन्द्रको वेबसाइटबाट स्वदेश फिर्ती फाराम अनलाइनमा भरेपश्चात प्राप्त हुने बारकोड प्रिन्ट गरेको प्रति । फाराम https://ccmc.gov.np/arms/person_add.php लिंकमा रहेको छ ।
३. आफ्नै खर्चमा ७ दिन अनिवार्य होटल क्वारेन्टिन बस्नुपर्ने । क्वारेन्टिन बस्न सकिने होटलको सूचि https://mofa.gov.np/…/List-of-Hotels-of-Quarantine… लिंकमा रहेको छ।
४. कोभिड-१९ बिरुद्धको दुवै मात्रा खोप लगाई खोपको प्रमाणपत्र प्राप्त गरेको यात्रुको हकमा भने अनिवार्य १० दिन होम क्वारेन्टिन बस्ने गरी सीधै गन्तव्यस्थल जान दिइने । यस्ता यात्रुहरुले नेपाल पुगेको सातौं र एघारौं दिनमा पि. सी. आर. परीक्षण गर्नुपर्नेछ।
५. अन्तिम संस्कार (काजक्रिया) मा सहभागी हुन नेपाल जाने व्यक्ति, दीर्घरोगी वा शारिरीक रुपमा अशक्त बिरामी र सँगै जाने कुरुवा, ७५ वर्षमाथिका ज्येष्ठ नागरिक वा ५ वर्ष मुनिका नाबालक र सँगै आउने नाबालकका आमाबुबा को हकमा स्थानीय तहको सिफारिशको आधारमा १० दिन होम क्वारेन्टिन बस्ने गरी घर/गन्तव्य जान अनुमति दिइने ।
टिकट खरीद, क्वारेन्टिनका लागि होटल बुकिंग गर्ने प्रक्रिया तथा अन्य जानकारीका लागि सम्बन्धित एयरलाइन्ससँग सम्पर्क गर्नुहोला ।
——————
नेपाली राजदूतावास, दोहा
२०७८।०३।१५